দাঁসায় দাড়ান সে দাঁসায় এনেজ রেনায়ঃ অন্তর কাথা ? |Dasai daran renay antor kata?
দাঁসায় দ চেদায় কো দাড়ানা ?| Dasai do cheday ko daran a ?
খেরোআল সাঁওতারে কমসে কম মড়ে গটাং হাপড়াঃ,
হাপড়াঃ বগাবুরু পরব সালে পালাওতেগে হুয়ুঃ-আ। এনতে বাহা, মাঃ-মড়ে, দাঁসায়,
সহরায় আর সাকরাত। নোআ'ক পরব সেরমারের পালাও ইদিগেয়া। নোআ পরব'ক মুদরে দাঁসায়
বঙ্গা দাঁসায় পরব’দ আডি ঞুমআনাঃ কানা।
দাসায় বঙ্গাবুরু'দ দাঁসায় চাঁদোরেগে
হোয়োঃ-আ। মাড়ে হাপড়ামকোআঃ কাথাতে বাড়ায় আকান জে, দাঁসায় পরব দঃ আব সানতাড়
সাঁওতারে আড়ি দুক আনাঃ পরব কানা। আড়ি পাঁহিলরে চেতা চৗই চাম্পা গাড় রে বাইরি কঠেন'ক ভাগাও হচলেনতে উনরে দাঁসায়
‘হায়রেগো হায়রে' রৗড় সেরেঞ আতে দিশম দিশম'ক সাঁঘার আর ঞিরলেনা। অনা ঘটনগে
প্রতেক সেরমারেনাঃ দাঁসায় চাঁদোরে দাঁসায় বঙ্গা পরব তালাতে'ক উয়হৗর ঞুম হালাংআ।
দাঁসায় বঁগারেদ অড়াঃ অড়াঃ দমে উতৗর বগা
বুরু’দ বাং হুয়ুঃ-আ। দাঁসায় বঁগারেদ দাঁসায় গুরুঠেন নেহর আতে ঞিরঃ লাগিৎতে হর
দিসৗ ঞাম লাগিৎ ‘হায় হায়' রোড়তেক এনেচ আতোক ক্রিরলেনা। অনাতে বঙ্গাবুরু'দ ঝত
হড়কতে আয়ুরিচ এনতে কারমুগুরু, ধরমগুরু, সিংগুরু, সিদগুরু, চেমেঞগুরু,
বহুড়াগুরু, চঁড়েগুরু, ভাঁন্ডোগুরু কোআঃ আয়ুরতে দাঁসায় এনেজ ক দাঁড়ানা।
দাঁসায় এনেজরে জাঁহা'ক ঞেলগঃ-আ অনা কদ হুয়ুঃকানা অঝা সে জানকোআঃ দাডেরেনাঃ
উপুরুম। দাঁসায় এনেজ সেরেঞ হায় হায়রেনাঃ কারন আর দাঁসায় এনেজকোআঃ কুড়ি হপনাঃ
হরঃ বাঁদে হরঃ রেনাঃ কারন মেনাঃ-আ।
দাঁসায় দাড়ান রেনায়ঃ ভিতির কাথা | Dasai daran renay vitir katha
দাঁসায় বঁগারেনাঃ ভেদ কাথা :
হাপড়া কক লৗয়া সেদায় যুগরে আবোরেন তিরলী হড় আডি সাহসিয়ৌ' গুন বিরলো 'ক
তাঁহেকানা।সানতাড় সাঁওতারে বারয়া তিরলৗকিন তাঁহেকানা। ঞুতুম তাকিন আয়নম আর কজল।
নুকিন তিরলৗ হপন আড়ি বির বান্টা সাঁহসিয়ৗকিন তাঁহেকানা। চিলিহঃ বাকিন বতরাক
তাঁহে। সুধু বঙ্গা বুরু ছাড়া। মিৎদিন আয়নম কাজল দাঃ লোকিন চালাওলেনা। উন অক্ত
তুডুক কড়া'দ উনকিন আয়নম কাজল'ক আতকির লেৎকিনা। নোআ কাথা যেখন দেবি-দুরগৗ
ক্রুতুমান দিলগারিয়া সাহসিয়া বির বান্টা কড়াকিন আজমকেদা। উনরে ঊনকিন আয়নম কাজল
ছাড়াও আগু লাগিং কিন চালাওলেনা। তুডুক দিশম চালাঃ হররে মিৎ মারাং অগম দরয়াকিন
ঞাম লেদা। উন জহঃ হাপড়াম কঃ লৗয়া-গেলসিং
গেলবার ঞিদৗ দাঃএ জাড়ি লেদা।অনাতে অনা দরয়া আরহঁ দমে লালে চাপেলেনা । মিৎ বারদিন'ক ঞেলকেদা
দরয়া দাঃ বাং অরহাঃ কানরে অনা দরায়া রেকিন দন খাঁজলেনা। অনাতে তেহেঞ হাবিজহঁ হড়
হপন আয়নম কাজল আর দেবি দুরগা জ্ঞাম লাগিতে দাঁসায় এনেজ ক ওডোকলেনা। বাংমা
উনকু আৎ আকান হড়'ক পাঁজা ঞাম খাতির তেহেঞহঁ
হায় হায় রৗড় আতে'ক সেরেঞা।
" আয়নম কাজল দকিন ওডোকেনরে
দেবী দূরগৗ দুকিন বাহেরেনরে
হায় হায় চেতে লাগিৎ দকিন ওডোকেনরে
চেতে লাগিৎ দকিন
বাহেরেনরে
দিশম লাগিৎ কিন বাহেরেনা
দেশ লাগিৎ কিন ওডোকেনা। "
দাঁসায় দাড়ান সে এনেজ রেনায়ঃ সাজ আর সাপাব দঃ চেদ চেদ?
দাঁসায় এনেজরেনাঃ সাজ সাপাব:-
দাঁসায় এনেজরেনাঃ সাজ সাপাজ ইদিকাতে হাপড়াম কক লৗয়া আয়নম কাজল আর দেবী দুরগা
পাঁঞ্জা ঞাম লাগিৎ খেরোআল হপন'ক ওডোকলেনা। উনকুআঃ সাজ সাপাজ কুড়ি হপনলেকা
হরঃরেয়াঃ কাথারেনা কারন দ হোয়োঃকানা। কড়া হপনকগে কুড়ি হপনাঃ পোসাক আসাক হরকাতে
দিশম দিশম'ক ওডোকলেনা। ভুঁওং'দ আঃ-সার আর তালারেনাঃ হতৎ খোলরে সারক পেরেজ দহ
কাঃ-আ। লাকতিরে জাতে'ক লৗড়হৗয় দাড়েয়াঃমা। অনাতে নুকু'দ আডি সাঁগিঞ'ক সাঁঘারেৎ
খাতির উনকু দাঁসায় এনেজ'ক চাওলে'ক এমাকোয়া
আর সানাম তিরলৗ হপন আয়ো হড়ঠেন থুম হাতাও কাতে ক ওডোকঃ-আ। উনরে সাড়ি
সায়া হরঃ কাতে দাঁসায় দাড়ান'ক ওডোকঃ-আ। চেদাঃ সে ধুতি হরংকাতে খান বায়রি
কঠেন'ক উরুম হচকঃ-আ। অনাতে দাঁসায় দাঁড়ানরে
কুড়ি হপন সাজতে'ক সাজঃ-আ।
Dasai sereing
কিছু গান দাঁসাই সেরেঞ লাতার রে আল এনা
1
"অকয় যাপে জুঁডিয়াদা দেশ দ ?
অকয় যাপে আতার আদা দিশম দ ?
দেশ দরে ল-লৗটিজ এন দ
দিশম দরে হাসায় ডিগির এদা ॥
ঠৗকুর গেচয় জুঁডিয়াদা দেশ দ
ঠৗকুর গেচয় আতার আদা দিশম দ !
দেশ দরে ল-লৗটিজ এন দ
দিশম দরে হাসায় ডিগির এন ॥
দেসে ঠৗকুর জৗড়ি মেসে দাঃ দ,
দেসে ঠৗকুর জারগে মেসে জৗপুৎ দ !
দেশ দরে ল-লৗটিজ এন দ
দিশম দরে হাসায় ডিগির এন"॥
2
"ইচৗঃ পিড়, ইচাঃ বৗবু লঃ-কান,
জৗনুম পিড়, জৗনুম বৗবু লঃ কান,
সেরমা রে গিদি তুকৗ, লঃ কা,
দেলাং বৗবু দেশ দরবার ॥
সিঞ বির দোঁগয় দোঁগয় লঃ কান,
মান বির মডঃ মডঃ লঃ কান
মৗনমি আঃ জিউয়ী যতা লঃ কান
দেলাং বৗবু দেশ দরবার"॥
3
"হায়রে হায়রে
ওঠেল ওঠেল ধরম গুরু
ওঠেল ওঠেল ধরম চেলা
গুরু হো, গুরু হো চলবন দিশমতে ।
হায়রে হায়রে
ওঠেল ওঠেল কামরু গুরু,
ওঠেল ওঠেল কামরু চেলা,
গুরু হো, গুরু হো চলবন দিশমতে ।
হায়রে হায়রে
ওঠেল ওঠেল ভুয়ৗং গুরু
ওঠেল ওঠেল ভুয়ৗ চেলা
গুরু হো, গুরু হো চলবন দিশমতে"
4
ঝৗয় করতাল ভুয়ৗং রেনাঃ সাডে গটা তারকোয়েন বেতার তে নংকা দাঁশায় ক সেরেঞ
কেদা -
"হায়রে হায়রে,
আতমা পাতারে গুরু হো ভুয়ৗং সাডে কান,
হায় হায়, সেরমা চটেরে চেলা হো কাঁসায় রাঁওয়াঃ
কান ।
হায়রে হায়রে,
দেশ দাঁড়ান লগৗৎ গুরু হো ভুয়ৗং সাডে কান,
হায় হায়, দিশম সাঁঘার লৗগিৎ চেলা হো কাঁসায়
রাঁওয়াঃ কান ।
হায়রে হায়রে
সুনুমে সিঁদুর লৗগিৎ গুরুহো ভুয়ৗং সাডে কান,
হায় হায়, বাহা টুসৗ লৗগিৎ চেলাহো কাঁসায়
রাঁওয়াঃ কান ।
হায়রে হায়রে,
দেশ রেগে গুরুহো সুনুমে সিঁদুর দ,
হায় হায়, দিশম রেগে চেলাহো বাহা টুসৗ দ ।
হায়রে হায়রে,
পে টিডৗঃ গুরুহো বসমতা রে
বার টিডৗঃ গুরুহো ভুয়ৗং ডৗন্টিজ রে,
হায় হায়, মিৎ টিডৗঃ চেলা হো কাঁসায়
তালারে"।
5
মৗঝি থানরে অনকা পে আখড়া এনেচ কাতে।আতোরেন গুনি-গুরিব আঃ রাচারে দাঁশায় ক এনেচ ছটকা
রেক সেরেঞ
"হায়রে হায়রে,
সিলিপিঞ ঝিজ পে গো
টৗটি লাডাক পে,
হায়
হায়, দারায় কানালে
হায়
হায়-দাঁশায় দাঁড়ান ক"।
6
বাখোল রে বল কাতে আখড়া জাগাও কাতে আর হায় হায় কাতে ক অঁড়হেঁ সেরেঞ
"হায়রে হায়রে-
লাও-লাখান জামকি সেঁগেল হায়রে হায়,
অকয় যাপে জুঁডি আদা-হায়রে হায়,
সিঞবির দ ল কান দ হায়রে হায়,
মানবির দ হাসায় ডিগিরেন......।
হায়রে হায়রে -
দেসে ছিতৗ দেসে কৗপরৗ হায়রে হায়,
জারগে দাঃ দ নতে বিন হায়রে হায়,
তারসে রাকাব তারসে নাঁড়াগ হায়রে হায়,
সিঞবির লঃ কান দ হায়রে হায়,
মানবির দ হাসায় ডিগিরেন......।
হায়রে হায়রে-
জারগে দাঃ রে কিকিড় বিঞ দ হায়রে হায়,
ডুবহৗ সুনুম রে সুঁওয়ৗড়ি দ হায়রে হায়,
সিঞবির দ লঃ কান দ হায়রে হায়,
মানবির দ হাসায় ডিগির এন......।"
7
"হায়রে হায়রে-
তিমিন সৗগিঞ ভায়রো গিরু নৗয় দ,
হায় হায়, তিমিন সৗগিঞ ভায়রো বাহা বাঁদেলা ।
হায়রে হায়রে-
আলাং ওডোং ভায়রো বেড়ায় রাকাব,
আলাং সেটের ভায়রো বেড়ায় হৗসুড়ঃ ।
হায়রে হায়রে-
তাঁগিঞ মেসে ভায়রো তৗগিঞ মেসে হো,
ভুয়ৗং ডৗন্টিজ ভায়রো রচৎ আকান তিঞ ।
তঁড়ে সুতৗম ভায়রো তপাঃ আকান তিঞ ।
হায়রে হায়রে-
ভুয়ৗং ডৗন্টিজ ভায়রোম জোড়োন কৗতিঞ খান,
তঁড়ে সুতৗম ভায়রোম খঁজা কৗতিঞ খান,
দেশ-দিশম ভায়রোঞ আসেন অৗচুর কেম"।
8
নমি হড়ম রূপি ভুয়ৗং আঃ জানাম রেনাঃ কাথা দাঁশায়
সেরেঞ
"হায়রে হায়রে-
অকারে দ ভুয়ৗং এম জানাম লেনা রে,
অকারে দ ভুয়ৗং এম হারা লেনা রে !
হায়রে হায়রে-
খদ মাদেরে ভুয়ৗং এম জানাম লেনা রে
সাতে সৗড়িমরে ভুয়ৗং এম হারা লেনা রে ।
হায়রে হায়রে-
চেতে লৗগিৎ ভুয়ৗং এম জানাম লেনা রে,
চেতে লৗগিৎ ভুয়ৗং এম হারা লেনা রে ।
হায়রে হায়রে-
দেশ দাঁড়ান লৗগিৎ ভুয়ৗং এম জানাম লেনা রে,
দিশম সাঁঘাড় লৗগিৎ ভুয়ৗং এম হারা লেনা রে ।
হায়রে হায়রে-
সুনুমে সিঁদুর লৗগিৎ ভুয়ৗং এম জানাম লেনা রে,
বাহা টুসৗ লৗগিৎ ভুয়ৗং এ হারা লেনা রে"।
9
দাঁসায়রে মৗনমিয়াঃ জিউয়ি হড়ম সাঁও লুগুবুরু
ঘান্টা বাড়ে তুলুচ কাতে ঠৗকুরাঃ আরাধনরে দাঁসায় ক সেরেঞ
"হায়রে হায়রে-
হয় দ হয় লুগুবুরু রে হয়-দ হয়,
হয় দ হয় ঘান্টা বাড়ে রে হয়-দ হয়,
হায়রে হায়রে-
লুগুবুরুরে হয়-দ হিঁসিদে হিঁসিদে,
ঘান্টা বাড়ে রে হয়-দ হালায় হালায় ।
হায়রে হায়রে-
লুগুবুরু রে- দ বঁঙ্গা কুড়ি-ক
ঘান্টা বাড়ে রে- দ বঁঙ্গা কড়া-ক
হায়রে হায়রে-
বাড়ছি হাপাতে -ক টুডৗং রাকাপ-আ,
ভুয়ৗং ডান্টিজ তে -ক টুডৗং আড়গোনা ।
10
"হায়রে হায়রে-
লুগু
বুরুমা ধিরিগড়সিনি,
ঘানটা
বাড়ে মা ধিরিগড় কাপাট (২)
অকয়
গুরুয় ঝিজ রেদ
ধিরিগড়সিনি রেঁড়ে রেঁড়ে
অকয়
চেলায় লাডাগ রেদ,
ধিরিগড় কাপাট রোলে-রোলে ।
হায়রে
হায়রে-
লুগু
বুরুমা ধিরিগড়সিনি,
ঘানটা
বাড়েমা ধিরিগড় কাপাট ।
ধরম
গুরুয় ঝিজ রেদ
ধিরিগড়সিনি রেঁড়ে-রেঁড়ে,
ধরম
চেলায় লাডাক রেদ
ধিরিগড় কাপাট রোলে-রোলে ।
হায়রে
হায়রে-
লুগু
বুরুমা ধিরিগড়সিনি,
ঘানটা
বাড়ে মা ধিরিগড় কাপাট,
কামরু
গুরুয় ঝিজ রেদ
ধিরিগড়সিনি রেঁড়ে-রেঁড়ে,
কামরু
চেলায় লাডাক রেদ
ধিরিগড় কাপাট রোলে-রোলে ।
হায়রে
হায়রে-
লুগু
বুরুমা ধিরিগড়সিনি
ঘানটা
বাড়ে মা ধিরিগড় কাপাট ।
ভুয়ৗং
গুরুয় ঝিজ রেদ
ধিরিগড়সিনি রেঁড়ে-রেঁড়ে,
ভুয়ৗং
চেলায় লাডাগ রেদ
ধিরিগড় কাপাট রোলে-রোলে ।
(নংকা কাতে ঝতম গুরু ক ঞুমঃ আ)
11
"হায়রে হায়রে-
অকয়
কক চিয়ৗ লেদে
লুগুবুরু লুগু লুমৗং
ঘানটা
বাড়ে লাড়ে-লুমৗং দ ।
হায়রে
হায়রে-
অকয়
কক সুতৗম লেদে
লুগুবুরু লুগু লুমৗং,
ঘানটা
বাড়ে লাড়ে লুমৗং দ ।
হায়রে
হায়রে-
মড়ে
কক চিয়ৗ লেদে
লুগুবুরু লুগু লুমৗং
ঘানটা
বাড়ে লাড়ে লুমৗং দ ।
হায়রে
হায়রে-
তুরুয়
কক সুতৗম লেদা
লুগুবুরু লুগু লুমৗং
ঘানটা
বাড়ে লাড়ে লুমৗং দ ।"
12
"হায়রে হায়রে-
তঁড়েগড় পুখিরি রে গুরু হো পয়রৗনি বাহা দ,
বাহা
বাঁদেলা রে গুরু উপৗল বাহা দ ।
হায়রে
হায়রে-
ঞিদৗয়
আলাং গুরু হো পয়রৗনি বাহা দ
ঞুতৗয়
আলাং গুরু হো উপৗল বাহা দ ।
হায়রে
হায়রে-
গুতয়
আলাং গুরু হো পয়রৗনি বাহা দ
গালাং
আলাং গুরু হো উপৗল বাহা দ ।
হায়রে
হায়রে-
বাহা
আলাং গুরু হো পয়রৗনি বাহা দ
দালে
আলাং গুরু হো উপৗল বাহা দ ।"
13
"হায়রে হায়রে -দিবি দুঃগ দয় ওডোক এনারে
আয়নম
কাজল দকিন বাহের এনারে
হায়রে হায়রে -চেতে লৗগিৎ দয় ওডোক এনারে
চেতে
লৗগিৎ দকিন বাহের এনারে ।
হায়রে হায়রে -দেশ লৗগিৎ দয় ওডোক এনারে
দিশম
লৗগিৎ দকিন বাহের এনারে ।
হায়রে হায়রে -সুনুমে সিঁদুর লৗগিৎ এ ওডোক এনারে
বাহা
টুসৗ লৗগিৎ কিন বাহের এনারে ।
হায়রে হায়রে -দেলাসে দিবি দুঃগ হয় লেকাতে
দেলাসে আয়নম কাজল ভানডো লেকাতে ।
হায়রে হায়রে -অটাং হিজুঃ পেসে সেরমা সৗঁগিঞ খন
ঘুরলৗও হিজুঃ পেসে স্বরগ পুরী খন"।
আর হ পাড়হাও মে
সানতাড় কোআঃ লাকচার চেৎ লেকারে আদ কানা ?
পৗরসি আর সাঁওহেদ দঃ অকা ক মেতাঃ কানা ?
আতু রেন গুনি গুরিব আর আতু রেন হড় দ অকয় কানা ক?
