বাহা পরব | Baha parab

বাহা মামড়ে (  Baha mamare ) 

সানতাড় হড় হপন দ বঙ্গাবুরু আন জৗত কানা বন।অনা তেগে পালেন সানতাড় সাওতারে মেনাঃ অকা কামি হরা গে বঙ্গা বুরু এতম কাতে দ বাং কামী আ।অনা তেগে বন ঞেল আ গেলবার গটাং চাঁদো মুদরে মি মিটাং চাঁদো পিছি রে মি মিটাং বঙ্গা বুরু সতোং আকানা। অনাক বঙ্গা বুরুগে সালে কে সালে মানাও আকানা অনাক বঙ্গা বুরু মুদরে বাহা আর মামড়ে বঙ্গা গে একমাত্র ধরম রেনাং প্রবিত্র পরব কানা।বাহা আর মামড়ে পরব কিন খেওয়াল সাওতারে অকা লেকা বন মানাও এদ কানা অনা গে নিত দ মিদ মিদতে লাতার রে বৗলৗয় এনা ।

 

বাহা আর মামড়ে বঙ্গা রেনাঃ ভিতির কাথা

বাহা আর মামড়ে বঙ্গা বুরু দা  পে দিন তে মানাও আ।আন পে মাহা দ হুয়োগ কানা পৌইলো দিন দক মেতা আ উম নারকা মাহা। দসার দিন দক মেতা আ সারদি মাহা আর তেসার দিন সে মুচৗদ দিন দক মেতা আ বাস্কে মাহা। বাহা আর মামড়ে বঙ্গা বুরু দা সমান গেয়া ।

বাহা পরব (Baha parab)

বাহা পরব দ সালে কে সালে হুয়ো আ আর নওয়া পরব দ ফাগূন কুনামি মুলুচ চাঁদো খনা গে এতহব আ । বাহা পরব দ পে দিন তেক মানাও আ। বাহা বঙ্গা বুরু রেদ কাটিজ কাটিজ দাড়ে কো লাগায়া ।

 

মামড়ে পরব ( mamare parab )

সানতাড় খেওয়াল সাওতারে চাঁদো কে কে চাঁদো সালে কে সালে পরব পুনৗর মিদ লেতার মেনায় কাদ গেয়া। সানতাড় কয়াঃ মারাং মারাং পরব সালেকে মূদরে মামড়ে দ হুয়োগ কানা আডি রৗস্কৗ আর জাক জমক সাও মানায়া চেদায় সে মামড়ে পরব দ পে সেরমা তায়ম আরবাং খান মড়ে সেরমা তায়ম হোয়ো আ। উনা তেগে সানাম হড় ক অনা মামড়ে পরব তাগি তাড়ায় রেক তাহেনা। তবে পৌইলো রে বাড়াই জারুর কানা যে বাহা আর মামড়ে রেদ অনকান ফারাক দ বানু আ চেদা সে মিদ গেয়া বঙ্গা বুরু,আরিচালি রু রাহা সেরেঞ এমান ক। মেনখান ফারাক নিয়ে গেয়া বাহা রেদ কাটিজ কাটিজ দাড়ে আর মামড়ে রেদ উনকু দাড়ে গে সেড়া সেড়া ক বঙ্গা কওয়া । বাহা দ বাহা বঙ্গা সেটের লেনখান বঙ্গা তেগে হুয়োয়া আর মামড়ে দ পে সেরমা সে মড়ে সেরমা অন্তর সেড়া সেড়া দাড়ে এম কাতে ক কুসী রৗস্কৗ হচ কওয়া বঙ্গা বুরু ক।

জাহা সেরমা ক মামড়ে আ অনা সেরমা দ নাইকে বাবা বঙ্গা ঞুতুম তে সুনুম সিন্দুর এ আরগো আই।আর উন রেগে বাখেড় বাড়া কায়া যে উমুক দিন হিলোয় মামড়ে আয়ে য়ে । নাইকে বাবা জাহা সুনুম সিন্দুর এ আড়গো আ অনা দ জাহের থান রেগে হুয়োআ ।খালি সুনুম সিন্দুর আতে সারজম বাহা আর মাতকম গেলে খড় রে আড়গ লেখান গে হুয়োআ।উন অক্ত বঙ্গা লেই আকয়া উমুক দিন হিলো মামড়ে দাড়ে দ মারাং মারাং দাড়ে লে এম চাল আপে আ।  বাহা রে সেড়া সেড়া দাড়ে এম কাতে হ বঙ্গা দেবা সেবা দ গানোয় গেয়া অনাতে অনা দ বাহা মামড়ে হক মেতায় গেয়া।

মামড়ে পরব হ বাহা বঙ্গা লেকাগে নওয়া হ পে দিন তেক মানাও আ।

উম নারকা মাহা ( Um narka maha )

আতোরে মেনাঃ ক সানাম গনি গরিফ আর নাইকে, মাঝী সানাম কগে ক উম নারকা আ আর আয়ো হড় কদ গেদায় খাডৗও ক সবদ ফারচা আ। নাইকে বাবা দ বঙ্গা বুরু আ সাপায় ক উম ঘাটরে ইদি কাতেদ আরুব ফারচা আগুয়া ।ইনা হিলোয় আতো রেন ডৗঙ্গৗ কড়া গাদৗর ক বির রেনায় সারজম পহা মা আগু কাতে জাহের থান রেক বিদ আ আর জাহের সাড়িম ক দালব আ। বাহা বঙ্গা লেকাগে পে ঠেন জাহের সাড়িম ক তেয়ার আ । মিদটাং দ জাহের থান আডে দ জাহের আয়ো তাহেনা,মারাং বুরু,মড়েক তুরুই ক লাগিদ তেহ অনা খন জজম সেদরে গসাই এরা ঞুতুম তে আর মিদটাং জাহের টাডি খন লেঙ্গা তি সেদরে মাঝী বঙ্গা ঞুতুম তে।সাড়িম তে দালব আকান জাহের থান রেদ পেয়া গাডো মাচি তাহেনা আর এটাং করে দ মি মিটাং কাতে জড়া তে।

ফারচা ফারচি লুগিড়ি তে ভাগোয়া কাতে আয়ুব বেড়া নাইকে বাবা ঠেন সানাম আতো হড় ক জাওরাআ নাইকে বাবা তালা রাচা রে গেচ গুরিচ ফারচা কাতে মি মিদটাং বঙ্গা থান এ বেনাও আ।বঙ্গা আ সানাম সাপড়ায় ক হাটায় রে সাজাও কাতে হেরমেদ কাতে উডোক আই আর অনা থান রে উনকু বঙ্গা দিসা কাতেদ পে টিকাঃ কাতে সিন্দুর এ টিকাঃ আয়া সাওতে বঙ্গা সাপায় কহ সিন্দুর আঃ ইনা তায়নম টামাক তুনদায় ,তিরিও সাও সাকাওয়া আতে বঙ্গা ক আড়গো কয়া  । উন অক্ত রেক সেরেঞ আ

   Baha song lyrics 

           অকয় দগো সবদ কান গো

                 জা গসাই শশঘাটি ঘাটরে

          অকয় দগো উম নারকা কান হো

                জা গসাই মেরাল ঘাটি ঘাট রে ,

          নাইকে এরা সবদ কান হো

              জা গসাই শশঘাটি ঘাটরে

        নাইকে হেরেল এ উম নারকা কান হো

             জা গসাই মেরাল ঘাটি ঘাট রে ।।

নোংকাতে সেরেঞ সেরেঞ তে বঙ্গা ক আড়গ সে বঙ্গা ক রুম লেনখান আপান আপিন শাপাপ ক শাপ তাকয়া আর জাহের থান ক ঞেল আগুঈ তাকয়া ।ইনা তায়ম সানাম বঙ্গা নাইকে বাবা নাই নাপাই কুলি বুঝৗও জংআ।তার পরে বঙ্গা কই সুমুন কয়া। অনা আয়ুব পারম কাতে সেতায় লেনখান সারদি মাহা সেটের অয়া।

 

সারদি মাহা ( Sardi maha)

  সেতায় এন খান গে নাইকে বাবা জাহের তে ইদি লাগিদ সৗত সাপাড়া আক।তপো ফারচা কাতে লাহা দিন রে সাফা আকান লুগড়ি তে পালাট কাতে সৗত সাপাড়া আক। আতো রেন গনি গরিব ক মিদ মিদতে নাইকে অড়ায় তেক হেচ সেটের অয়া টামাক তুংদায় আতে এনেচ এনেচ তে জাহের সেদ নাইকে বাবা ক ইদিয়া । 

বাহা সানাম কো মিদটাং নাওয়া মাহেলে হাটায় রে লেগা তিতে হেরমেদ কাতে জজম তিতে লটা দায় সাব কাতে জাহের সেদ এ মাড়াং অয়া উনি নাইকে সাওতে মিদটাং ডৗগৗও কড়া গিদৗর দ সাগুন ঠিলি ক দিপিল হচয়া আর বঙ্গা দাড়ে কদ মিদবার হড় ক সাব ইদি কয়া অনা সাওতে কুড়ি হপন কদ এনেচ আচুর ইদি আক। আর কড়া হপন কদ বাহা মামড়ে এনেচ ক দন ইদিয়া ।জাহের থান রে পুব সেদ সামাং কাতে বঙ্গা লাগিত নাইকে বাবা দুড়ুব আই। নাইকে বাবা দ থান এ গেচ গুরিচ আই আর নতে এনেচ কুড়ি কড়া কদ সেরেঞ তালাতে আড়হে তালাতে বঙ্গা ক আড়গো কয়া । য়ে লেকা উন অক্ত রেক সেরেঞ আ –

                  Baha song lyrics

           চেতে তেদ এনা ছিতা তায়নম এনা

                     চেতে তেদ এনা ছিতা বিলম এনা

           গেচ গুরিচ তেগে গসাই ইঞ দুঞ বিলম এনা

                    চেতে তেদ এনা ছিতা গুরিচ কান

            চেতে তেদ এনা ছিতা লাড়ে লামায় গেত

                 তয়া তেগে ইঞ দ গসাই ইঞ গুরিচ কান

          দাড়ে তেগে গসাই ইঞ লাড়ে লামায় গেত ।।

নংকাগে আইমা ক সেরেঞ আ। নাইকে বাবা থান রেনায় মাড়াং সেদ সাগুন ঠিলি দড়ম আই আর পে খি তড়ে সুতৗম তে সাগুন ঠিলি রে সুতৗম আরাও কাতে অনা তড়ে সুতৗম নাট লেগা সেদ রে বিদ কায়াঃ ।ইনা পরে হলং তে পেয়া খড় এ বেনাও আ অনাদ জাহের আয়ো,মারাং বুর আর মড়েক তুরুই ক ঞুতুম তে।

বঙ্গা বুরু ক আড়গো লেনখান গে অনা সাওতে সানাম কগে বঙ্গা বুরু ক কুলি উহৗর জং আ যে কামি পালেন বাড়িচ অকান আর অনা ক বগেবারিছ ক লৗই আলে মে। নাইকে বাবা খড় করে সিন্দুর সাকাম মেরেদ সাকাম এ দহ আ আর অকয়াই অকা খড় কানা অনা উহৗর কাতে সিন্দুর এ টিডৗ আয় সানাম খড় করেদ গে মিথি এর আই ইনা তায়ম যতখন পৌইলো জাহের আয়ো মারাং বুর আর মড়েক তুরুই ক‌‌‌ লাগিদ দাড়ে ক আতিঞ কয়া ।উন অক্ত রেনায় বাখেড় আ

        জঁহার গসাই জাহের আয়ো

           এমাম কান চাল আম কান মামড়ে ঞুতুম তে 

সুক তে সাওয়ার তে আতাং তালে পে নাই তে নাপাই তে বাড়ে

নংকাগে মারাং বুরু আর মড়েক তুরুই ক ঠেন হ নংকা গেক বাখেড় য়া ।আদ দাড়ে ক ক আতিঞ লেখান বঙ্গা কয়াক মড়ে ক তুরুই ক ক দাড়ে ক তুঞে আ আর মারাং বুরু দ দাড়ে কাপি তে মাং তপায় এয়া ।বঙ্গা কদ দমে মায়াঞ ক চেপেঞ জং আ বঙ্গা বুরু হোই লেনখান জাহের রেক সড়ে আ। আর নাইকে বাবা বহয় এ উঠৗও লেনখান গে আতোরেন হড় মড়ে হড় ক জম আ। জম ঞু হোই লেনখান তি আরুব সাফা হোইলেন খান নাইকে বাবা অড়াঃ তেক আগুই আ ।  আগু লাহা আতো রেন কড়া কুড়ি নাইকে বাবা ঠেন বাহা ক আতাং আ অনা বাহা কড়া দ লুতুর রে আর কুড়ি কদ বহঃ রেক রেবেদ আ ।

 ইনা তায়ম বাহা সেরেঞ কাতে বঙ্গা ক আড়গো কয়া । বঙ্গা ক হেচ লেনখান নাইকে বাবা আড়াঃতে ক আগুই আ জাগা আরুব আরুব তে সাওতে বঙ্গা কহ ক আরুব কয়া ।আদ নাইকে বাবা অড়াঃ তে সেটের লেনখান বঙ্গা ক বগে বারিচ কুলি কাতেদ আদ ক সুমুন কওয়া ক। অনা ঞিদৗ রুসিকা কড়া কুড়ি বাহা মামড়ে ,লাগেড়ে ,পরব ক এনেচ আগা আ।

বাস্কে মাহা ( baske maha )

  সারদি দশার দিন হিলৌঃ দ বাস্কে মাহা উন হিলৌঃ দ চডর সারেচ হাঁডি পৌওরৗ পুরুধুল হাড়াম বুড়হি ক ঞু জং আ আর বাকি কদ দায় দুল তালাতে দমেক রৗস্কৗ জঞ আ ।

বাহা মামড়ে রে হপন এরা জামাই গংকে নেওতা আগু কয়া আর নাওয়া গেদায় ধুতি তেক সারাও কয়া । আর মিদ সাওতে জম ঞু এনেচ সেরেঞ তে বাহা সে মামড়ে পরব দক সাহি জুহিয়া । সানতাড় সাওতারে বাহা সে মামড়ে পরব দ মিদ টাং আডি মারাং রৗস্কৗ পরব। সাহলে পরব কানা

FAQ

জাহের থান কি ?

জাহের থান হল সাঁওতালদের প্রবিত্র স্থান বা পূজার এর স্থান।

বাহা উৎসব পূজা করা হয় কোন গাছে ?

বাহা শব্দের অর্থ হল ফুল । বাহা উৎসব পূজা করা হয় সাল গাছে ।

সাঁওতালদের উৎসব কি কি?

সাঁওতালদের অনেক উৎসব আছে তার মধ্যে অন্যতম বা বড় উৎসব হল সহরাই, দ্বিতীয় তম হল বাহা এবং মামরে এছাড়া আছে কারাম, জানথাড় পূজা ইত্যাদী

সাঁওতাল ভাষার নাম কি?

সাঁওতাল দের ভাষা হল সান্তালি। সাঁওতাল দের লিপি হচ্ছে আলচিকি।

সাঁওতালদের দেবতার নাম কি ?

সাঁওতাল দের আনেক দেবতা আছে। তার মধ্যে সব থেকে বেশি পূজা বা সরন করা হয় মারাং বুরু, জাহের আয়ো, মড়েক তুরুই ক, ।

সাঁওতালদের ধর্ম গ্রন্থের নাম কি ?

সাঁওতাল ধর্ম গ্ৰ্ন্থের নাম হল জমসিম বিন্তি।