আতু রেন গুনি গুরিব আর আতু রেন হড় দ অকয় কানা ক? | Santali gk | Santali Lakchar | Santali leilakchat
মড়ে মাপাজি গুরু,চেলা,গুনি,রুসিকা,গায়না হারি,রেগেজ,কিঁসৗড় সানাম হড় আতুরেন গুনি গুরিব ঞুম আকানা।আবদ সানাম গেবন সমান গেয়া ।সাঁওতা ধরমাঝিম বঙ্গাবুরু করে সানাম হড়াঃ অৗয়দৗর মেনাঃ তাবনা।
গুনি=গুন বিরদৗ ,অঝা বিরদৗ,অল বিরদৗ ,লায়লাকচার,আরিচালি,অৗন আরি সেরওয়া এমানকরে যাঁহায়আঃ যাঁহারে লৗয় সে গুন দাড়ে মেনাঃ তাকয়া উনকুগে গুনি় ক মেতা কওয়া।
যেলেকা--মাঝি,পারগানা,এমান কো।
গুরিব--সাঁওতারে মেনাঃক গুনিজন বাদ কাতে আরহঁ যাঁহায় মেনাকদ এনতে যাঁহায়া দ গুনি মানমি লেকা গুন বানুঃ তাকয়া উনকুগে গুরিব ক মেতা কওয়া ।
সাঁওতারে গুনি গুরিব বেগর আরহঁ আডি লেকান মানমি মেনাঃ কওয়া ।উনকু দক হুয়ঃ কানা- গুরু ,রেঁগেজ,কিঁসৗড় হড় আর আতু মড়েহড় ।
গুরু--খেরওয়াল সাঁওতারে ধরম করম ইদি কাতে আডি লেকা গুরু মেনাঃ কওয়া বিনতি গুরু ,ওঝা গুরু,ভুয়ৗং গুরু,কারাম গুরু আর বিনতি গুরু সাঁওতারে মেনাঃ বিনতি বাখেড় জমসিম বিনতি,ভান্ডান বিনতি,মানমি তালারে বিনতিআঃ।যাঁহা ওঝা গুরু দ আডি লেকান বে বাড়িচ বিদ্যা ক বাডায়া অনাতে আডি জখেজ নাড়া পিড়ৗ ঞাম লেনখান অনা খন লাড়া দোঃ লাগিদ ওঝা গুরু ক কামিয়া ।ভুয়ৗং গুরু দ দাঁসায় দাড়ান জখেজ ভুয়ৗং গুরুয় দেবাসেবা আয়া আর কারাম বঙ্গা জখেজ কারাম বিনতি বিনতিয়া।
রেগেজ হড় -- নালহা তুমৗল কাতে আসুলঃ হড় যাঁহায়াঃ আপনারা হাসা জমি বানুতাকওয়া এটা হড়া ক কামিয়া আর কুড়ৗয় আতাং কাতে দিন ক খাঁন্ডাওআ উনকুগে রেঁগেজ হড় ক মেতাঃকওয়া ।
কিঁসৗড় হড়-- যাহায় আঃ আপনারাঃ অত হাসা মেনাঃআ চাষ বাস আরজাও কাতে বানিজ বেপার চাকরি বাকরি কাতে নাপায়তেক জম কুড়ৗও আনটাও আকানা আর দালান অড়া ক বেনাও আকাদা উনকগে কিঁসৗড় হড়।
আতু মড়ে হড়-- চেতানরে লৗয়েন উনকু সানাম হড়গে আতু রেন মড়ে হড় ক মেতাঃ ক কানা । নুকু আতুরেন গুনি-গুরিব আতু মড়েহড় আতেগে সাঁওতা তল মেনাঃ আ।